هو انت بتخلي ولادك يعملوا كده لوحدهم ده انت قلبك جامد
اه انا بشجعهم علي تجارب خطر وصعبه بس انا مش متهوره انا بحسبها كتير وبجرب حبه حبه جموديه القلب مش من فراغ
انت كده بتحسسي علي ولادك بزياده وهيطلعوا مدلعين
اه انا براعي مشاعرهم بس مش بخلي ده عائق بيني وبين اني اقول راي واقدم النصيحه المخلصه واخد اجراء يوقف الغلط اللي بيحصل
انت مهمله في تعليمهم النظام
انا اوقات بقصر في ده بس برجع تاني احاول ومش بستسلم وواثقه ان حتي لو وصلت متاخر فاحسن من اني موصلش خالص
انت بتشدي عليهم اوي وهتعقديهم
انا المره دي بالغت في رد فعلي بس رجعت اعتذرت واتناقشت معاهم في اللي حصل وعملنا اتفاق جديد
انت بتتفقي معاهم ومش بتنفذوا الاتفاق
حقيقي في اتفاقات بيبقي صعب علينا الالتزام بيها بس انا مش قلقانه احنا وصلنا لنقطه ترضي الطرفين وهحاول اتابع التنفيذ واشجع علي الاستمرار
انت سيباهم طول اليوم قصاد التلفزيون ومعملوش النهارده اي حاجه مفيده
ايوه انا لاحظت النهارده ان اليوم اتقضي بالشكل ده وعشان كده هبتدي اليوم بكره بحاجه مفيده
-----------------------------------------------------------------------
اوقات كتير بتجيلنا افكار واراء وتقيمات محبطه وساعات ظالمه واوقات قاسيه عن ادائنا واللي قدرنا نعمله واللي مقدرناش
اوقات بيبقي مننا لنفسنا واوقات بيكون من الناس لينا
بنتهز
بنخاف
بنتوجع
بس بنرجع نقوي نفسنا ونشوف اللي عملناه واللي معملنهوش
ايوه في حاجات متعملتش
بس في حاجات اتعملت
في حاجات مظبطتش
بس في حاجات ظبطت
متحكميش علي نفسك او تستقبلي احكام قاسيه كده زي ما هي وتوجعي نفسك
حبي نفسك وفلترى الكلام وانصفيها
استعيدي ثقتك بنفسك كل ما تحسي انك محتاجه وفكرى نفسك ديما بكل اجتهاداتك وقوليلها
انت تقدرى ❤
انصفي نفسك متظلميهاش ❤
ويبقي الاثر
إرسال تعليق