اكتر من مره الاحظ شكوي من زوج او زوجه انه شريكه كان الاول كويس وبيقدم وبعدين بطل او ممكن اتقلب العكس
لما بدخل في التفاصيل بلاقي قايمه من الشكاوي وتفصيل العيوب والدخول في تفاصيل تربيته وتربيه اهله ومامته وباباه
واللي كان متقدم احسن ورضينا باللهم والهم مش راضي بينا
وانه مهما نتكلم معاه انه يصلح نفسه دي شويه ويظبط كده مفيش فايده ولما نعمل خناقه كبيره ونهدد بالطلاق يظبط شويه وبعدين يرجع تاني زي ما كان لحد ما قرفنا 😂
وانهم بيفكروا في الطلاق وجوازهم تعيس جدا
طيب عشان منظلمش الجواز او الشريك ونطلق وننكد علي بعض لحد ما الكدبه اللي كدبناها والمبالغات اللي عايشيين فينا تتصدق وتبقي واقع بجد مش كلام بنقوله وقت احباطات
مهم جدا جدا نسئل نفسنا احنا بنعرف نتعامل مع احباطتنا بشكل ناضج اصلا ؟
بنعرف نقوم نفسنا لما نتهزم او نتوجع
بنعرف لما يبقي عندنا هدف نفكر ازاي نوصله ولا بنعيط زي الاطفال اننا مش عارفيين
بنعرف نكسب تعاون الناس في العموم ولا لما بنلاقي حد مش مقتنع بحاجه بنتخانق معاه او بنتجنب التعامل
اوقات كتير بيبقي جزء من المشكله اننا مش مؤهلين للتعامل مع الاحباط والفشل
واننا بنستسلم وننهار اصلا في حاجات كتير مش بس في شريك حياتنا
واوقات بيكون في صفه مهينه منفره جدا لينا بسبب اهالينا واللي زرعوه جوانا من كره للصفه دي وممكن يكون فيه مبالغه برضه واحنا تبنناها
جزء كبير من نجاحك في علاقاتك مع الناس هي صراحتك مع نفسك لان ببساطه لو في مركب مخرومه غيرنالها البحر ده مش هيسد الخرم اللي فيها
نظريه اني ملاك وشريك حياتي شيطان دي سبب تعاسه زوجيه غير عاديه
فلو هنصح حد باداه ذهبيه
هو انه قبل ما يبص علي مسئوليه الاخر في المشكله يبص علي مسئوليته هو الاول
اوقات كتير مجرد ما طرف بيتغير ومع شويه وقت طبعا عقبال ما الثقه ترجع حجم المشكله بيصغر جدا لدرجه ان حلها بيبقي مش فارق للدرجه بعد ما كانت حرفيا موقفه حياتنا
لو بتحاول كتير جدا جدا ومفيش اي تحسن اتاكد انك بتحاول في الطريق الغلط ولف وارجع وجرب طريق جديد
طريق مصارحه الذات
صارح نفسك ومتشجعهاش علي طريق يتعسها ويخذيها
واسئل نفسك ديما
هل يعمل سلوكك لصالحك ؟
ويبقي الاثر
#ويبقي_الاثر
إرسال تعليق